EUSKARAREN NAZIOARTEKO EGUNA

Euskaraldia amaitzear dago! Abenduaren 3an bukatuko da Euskararen Nazioarteko Egunarekin. Hemen ditugu astelehenean abesteko lantzen aritu garen abestiak.
Euskaraldia bukatzen da, baina, gogoratu euskarak 365 egun dituela!

NEGUA JOAN DA!

Gaur bai, gaurkoan sines dezakegu udaberrian sartu garela.
Egun hauetan talde batzuetan Zea Maysen "Negua joan da ta" abesten aritu gara. Aspalditik nengoen hemendik pasa gabe, baina, gaurkoan bertsio polit hau utzi nahi nizuen: Zea Mays Euskadiko Orkestra Sinfonikoarekin. Eta honetan ere Ainhoa Moyuaren laguntza musikari zeinuak jartzeko. Zoragarria.

Azkenean iristear ditugu udaberriko oporrak. Atseden hartu eta pilak kargatuta etorri. Ongi pasa!

MUNDUKO MUSIKAK: 6.maila

6.mailan Euskal Herriko soinu tresnak eta musika lantzen aritu gara.
Gaia bukatzeko, David Azurzaren kanon batekin ausartzea erabaki genuen, nahiz eta bi saio bakarrik eduki genituen honetarako. Bere Trabakantuetako Kanbon palangak pagoz.
Hona hemen atera zitzaiguna!
Mundu osotik Europara... eta Europatik gure etxera... Euskal Herriko Kanbo herrira...

EUSKARAREN EGUNA 2016

Kaixo!
Ezer gutxi geratzen da abenduaren 3a, Euskararen Nazioarteko Eguna iristeko. Dakizuen bezela eskolan abenduaren 5ean ospatuko dugu, astelehenean. Eta horretarako prest ditugu ikasitako abesti eta dantzak.
Hemen uzten dizuet euskararen egunean erabiliko dugun wixa, Imanolen eta beste abestiekin.
Imanol Urbietari buruzkoa ere jarriko dizuet, bada ez bada.
Badakizue, euskara ahoan, abestera!